Dopo tante orassion e aspetarea Cerealto el rosto semo andà a magnare
Ma magnare xe dire gnente: semo sta ospità da brava xente.
Che tuto ga fato parché se trovemo ben:note stellada, silensio, fogolar che sfrigola,  bianco par terana maravegia par i oci e  cor,  tuta la sera.E tuto,  xe sta pi che bon,  secondo che convien
Lucia e Silvano coa loro arte e passion ga fato centro su sto grupo de mati I ne ga delissia con un saco de piati; a tal punto che su so fiola go fato un sbregon
A ela, tuto vien perdonà:dal passà, al presente;  fino ala tersa generassion,la pol fare spigassi a perdifià!Cossì ga decretà la pansa, e el cor, de Gian con la so benedission
Tajadele come cavej d’angelo, rosto perfeto, formaj, fini liquori semo sta trattà in amicisia e da gran signori. Ah gl’i infusi, nettari celesti, dolxe rovina… saja questo: de aloro xe fato.  Graspa sassina!
Ocio Silvano, la strada ghemo imparà!Cerca de insegnarghe ben al canchel tegna lontan la xente a sdentegàma anca che l’ impara a conosserme, mi, da lontan.
Chel sbaja de festa se el me vede rivare co na sopressa in man e  bosse da svodare. All’ombria del coerto, fora in giardin se contaremo le storie; sempre pi bele man man che va xo el vin. A nome dei mati tuti e del capo altove femo gli auguri par tanti bei giorni ancora, in quel de Cerealto.

A Lucia e Silvano

da Gianmaria con stima e un grazie per la bella serata.

Questo articolo è stato pubblicato il martedì, 11 maggio 2010 alle 12:07 e classificato in Uncategorized. È possibile seguire tutte le repliche a questo articolo tramite il feed RSS 2.0. Puoi lasciare un commento, oppure fare il trackback dal tuo sito.